ભાગ – 34 4/11/2020
ફોટોઈલેક્ટ્રીક અસર
સૂર્યપ્રકાશને વીજળીમા ફેરવી નાખે તેવુ આ સોલરસેલ કયો જાદુ કરે છે ? તે સમજવા જેવુ છે. આ વીજળી પેદા કરનાર સિલિકોન પર સૂક્ષ્મ છંટકાવ પામતી અશુધ્ધી છે. સોલારસેલ બનાવતી કંપનીઓ મુખ્યત્વે ફોસ્ફરસ અને બોરોનની અશુધ્ધીનો છંટકાવ કરે છે. જેને “ ડૉપીંગ “ કહે છે. આ ટેકનોલોજી સમજવા જેવી છે. ફોસ્ફરસ અને બોરોન આ બન્ને પદાર્થો અથવા તત્વને આડેધડ પસંદ કર્યા નથી. પરંતુ ચોક્ક્સ તેની e રચનાને આધારે પસંદ કરવામા આવ્યા છે. ફૉસ્ફરસનો પરમાણુક્રમાંક 15 છે. માટે તેની e રચના (2,8,5) છે. જ્યારે બોરોનનો પરમાણુક્રમાંક 5 છે. માટે તેની e રચના (2,3) છે.ફોસ્ફરસની બાહ્યકક્ષામા 5 મૂક્ત ઈલેક્ટ્રોન છે. જ્યારે બોરોનની બાહ્યકક્ષામા 3 ઈલેક્ટ્રોન છે. જે મૂક્ત છે. અને સિલિકોનનો પરમાઅણુક્રમાંક 14 છે. તેની e રચના (2,8,4) છે. માટે સિલિકોન પાસે 5મા નંબરના ઈલેક્ટ્રોન માટે જગ્યા નથી. બિલિયર્ડ જેવી આ રમતમા સિલિકોન તટસ્થ છે. તે રમતમા ભાગ લેતા નથી. આ રમત ફોસ્ફરસ અને બોરોન વચ્ચે રમાય છે. કારણ કે સિલિકોન પાસે પરમાણુને સમાવવા માટે જગ્યા નથી. જ્યારે બોરોન પાસે ફોસ્ફરસના પાંચમા ઈલેક્ટ્રોન માટે જગ્યા છે.
વધુ આવતી કાલે મનન કરજો...તમારા ફીડબેક આવકાર્ય છે..
ટિપ્પણીઓ નથી:
ટિપ્પણી પોસ્ટ કરો